Болалар меҳнати ва мажбурий меҳнатга қарши курашиш, муносиб меҳнат тамойилларини амалиётга татбиқ этилишида халқаро майдонда тан олинган Ўзбекистон тажрибаси алоҳида қайд этилди. 

Шунингдек, болалар меҳнати ва мажбурий меҳнатни олдини олиш борасида фуқаролик жамияти институтлари, касаба уюшмалари, халқаро ташкилотлар ва хорижий давлатлар билан самарали ҳамкорлик олиб борилаётгани таъкидланди. 

Бу борада Халқаро меҳнат ташкилоти билан ҳамкорлик алоҳида ўрин тутади. Сўнгги йилларда болалар меҳнати ва мажбурий меҳнатга қарши курашиш, муносиб меҳнат шароитини такомиллаштириш борасида самарали ишлар амалга оширилган.

Мулоқот чоғида томонлар меҳнат муносабатларида минтақавий ҳамда халқаро ҳамкорликни ривожлантириш, ушбу жараёнда касаба уюшмалари фаолиятини мустаҳкамлаш масаласини муҳокама қилди. 

Хусусан, 2021 йил Ўзбекистон ташаббуси билан ташкил этилган Марказий Осиё мамлакатлари касаба уюшмалари Кенгашининг фаолиятига алоҳида тўхталиб ўтилди. Якунда меҳнат муносабатлари йўналишида ҳамкорликдаги лойиҳаларни фаоллаштиришга келишиб олинди. 

Делегациялар ташрифи давом этмоқда. 

 

Б.Худойбердиев, 
Н.Ҳайдаров (фото), 
ЎзА