Ўзбекистон ҳар йили жаҳон мамлакатларининг демократия индексини эълон қиладиган Британиянинг The Economist Intelligence Unit тадқиқотлар ташкилотининг 2023 йилги рейтингида 167 мамлакат ичида 148-ўринни эгаллади.

“Демократия индекси”ни 2006 йилдан бери эълон қилиб келинади. Давлатларга бешта тоифа бўйича балл берилади, сўнг баллар асосида ҳар бири тузум тури бўйича таснифланади: тўла демократия, номукаммал демократия, гибрид тузум ва автократия. Мамлакатдаги демократия билан боғлиқ вазиятни 10 баллдан 2,12 балл сифатида баҳоламоқда. Бунда тоифаларга қуйидагича балл берилган:

• сайлов жараёни сифати ва плюрализм — 0,08 балл;
• ҳукумат фаолияти — 1,86 балл;
• сиёсий иштирок — 2,78 балл;
• сиёсий маданият — 5 балл;
• фуқаролик эркинликлари — 0,88 балл.

2012 йилда Ўзбекистон The Economist Intelligence Unit рейтингида 159-ўринда эди. 2018 йил учун демократия индексида Ўзбекистон 156-ўринга чиққан. 2021 йилги рейтингида эса 150-ўринни эгаллаганди. 

Шунингдек, рейтингда Тожикистон — 155-ўринни эгаллаган бўлса, Туркманистон эса рейтинг якунига яқинроқ — 162-ўринда. Қирғизистон ва Қозоғистон етти поғона юқорилаб, мос равишда 109 ва 120-ўринларга жойлашган.

Бундан олдин Тошкент дунёдаги энг арзон шаҳарлар бешлигига киргани, Ўзбекистон хайр-саховат бўйича дунё рейтингида 36-ўринни эгаллагани тўғрисида хабар берилганди.

Daryo.uz