Шуни тушуниш керак-ки, ҳозирги вазиятда дунёдаги кучлар мувозанати ўзгарди, деди Ҳиндистон ташқи ишлар вазири Субраманям Жайшанкар.

– Бизга кучли БМТ керак, – дея таъкидлаган Ҳиндистон ТИВ раҳбари Нью-Деҳлида бўлиб ўтган конференцияда. – Бинобарин, шу билан бирга адолатли ташкилот ҳам талаб қилинади, чунки кучли дунё тартиби қандайдир асосли тарзда мувофиқлашган стандартга таяниши лозим. Менимча, сўнгги ўн йилликда дунёда воқеалар қандай кечганини текшириш ҳамда бу жараёнга нисбатан ҳалол муносабатда бўлиш ва бугунги кунда кучлар мувозанати, улушлар миқдори ўзгарганини англаш муҳим.

Эски дунё тартиби ўша давр маҳсули, муайян хизматлар ҳозир бўрттирилган.

Нима учун? Сабаби, менимча, қоидани ишлаб чиқувчи ва қабул қилувчининг қарашлари турлича эди.

Маълумки, Бразилия, Германия ва Япония билан бир қаторда Ҳиндистон ҳам ривожланиш кўлами БМТ Хавфсизлик кенгаши доимий аъзолари билан тенглаша оладиган, ташкилотга доимий аъзо бўлишни тақозо қиладиган “Тўртлик гуруҳи” (G4)га киради. Мазкур тузилма саммити чоғида ташқи ишлар вазирлари БМТ ХКни ислоҳ қилишга чақиришган ва Кенгашда доимий ўрин эгаллашда бир-бирини қўллаб-қувватлаш тасдиқланган эди.

ЎзА