Германияда қашшоқлик хавфи остидаги нафақахўрлар сони 2024 йилда 3,54 миллион кишига кўпайди ёки нафақахўр аҳолининг 19,6 фоизини ташкил этади. Бу Федерал статистика бошқармаси маълумотлари бўлиб, улар «Сара Вагенкнехт иттифоқи» сўл популистик партиясининг Бундестаг фракцияси ихтиёрида мавжуд, деб хабар қилди RedaktionsNetzwerk Deutschland медиа-гуруҳи 3 феврал, душанба куни.

Бу 300 минг ёки 1,2 фоизга ўсишни билдиради. Умуман олганда, Германия аҳолиси учун сезиларли даражада моддий маҳрумлик хавфи даражаси ошди, аммо камроқ даражада — 1,1 фоиз пунктга — у 15,5 фоизни ташкил этди.

Ўртача иш ҳақининг 60 фоизидан камроғи

Германияда ўртача даромаднинг 60 фоизидан камини оладиган одамлар қашшоқлик хавфи остида ҳисобланади. 2024 йилда бир киши учун бу кўрсаткич солиқлар тўланганидан кейин ойига 1378 еврони, икки ёши катта ва икки болали оила учун эса 2893 еврони ташкил қилган.

Германияда пенсиялар «мега-муаммо», деди сўл популист партия асосчиси Сара Вагенхнехт. У фурсатдан фойдаланиб, социал-демократларнинг пенсия сиёсатини танқид қилди. Вагенхнехт Австрия модели бўйича пенсия тизимини яратишга чақирди, бунда давлат хизматчилари ва якка тартибдаги тадбиркорлар ҳам ҳисса қўшадилар.

Kun.uz