АҚШ Давлат департаменти Европа давлатларига Россия, Хитой ва Эрон томонидан тарқалаётган дезинформацияни аниқлаш ва фош қилиш имконини берувчи ўзаро англашув меморандумларини тугатиш тўғрисида билдиришнома юборди, деб хабар берди The Financial Times (FT) европалик уч манбасига таяниб.

Меморандумлар собиқ президент Жо Байден маъмурияти даврида имзоланган ва Давлат департаменти агентлиги бўлган Глобал ҳамкорлик маркази (Global Engagement Center, GEC) бошчилигидаги ташаббуснинг бир қисми эди.

Марказни 2024 йил декабригача бошқарган Жеймс Рубин меморандумларнинг бекор қилинишини Россия ва Хитой билан ахборот урушида «бир томонлама қуролсизланиш акти» деб атади. Унинг сўзларига кўра, бу ҳужжатларни Европа ва Африканинг 22 давлати имзолаган.

Kun.uz