Жанубий Корея Президенти Ли Чжэ Мён ҳукуматга жиноий жавобгарлик ёшини пасайтириш масаласида жамоатчилик фикрини ўрганиш бўйича кўрсатма берди. Бу таклиф 10-14 ёшли болаларга нисбатан қўлланадиган мавжуд меъёрни қайта кўриб чиқишга қаратилган. "Yonhap" ёзишича, Адлия вазирлиги ўсмирлар ўртасида қонунбузарлик кучайиши ортидан ёшга тегишли юқори чегарани камида бир йил тушириш таклифини илгари сурган. Айримлар жавобгарлик ёшини 13 — ўрта мактаб биринчи синфигача тушириш кераклигини айтмоқда. Оила ва гендер тенглиги вазирлиги эса бундай амалиётни қўллашдан олдинэҳтиёт чораси кучайтирилиши зарурлигини таъкидлайди.

Давлат раҳбари фикрича, энг оқилона мезон боланинг бошланғич ёки ўрта мактабда ўқиши билан боғлиқ, чунки бу ёшда руҳий ва ижтимоий ривожланиши турлича. Хуллас, ҳозирча тегишли идораларга асосий далилларни жамлаб, жамоатчилик муносабатини ўрганиш ва икки ой ичида якуний қарор қабул қилиш вазифаси юклатилган.

Мусулмон Зиё, ЎзА