Марказий Осиё тарихида илк бор Тошкент шаҳрида Парламентлараро иттифоқнинг 150-юбилей ассамблеяси бўлиб ўтади.

Жорий йил 5-9 апрель кунлари “Tashkent City” ҳудудидаги Конгресс-холл мажмуасида ўтказиладиган мазкур анжуманда дунёнинг 180 мамлакати, 15 кузатувчи давлат ҳамда 25 дан зиёд халқаро ва парламентлараро ташкилотдан 2 000 га яқин делегат иштирок этиши кутиляпти.

Йиғилишнинг асосий мавзуси “Ижтимоий тараққиёт ва адолат учун парламент ҳаракати”. Кун тартибидан инсоният ва глобал тараққиёт учун муҳим масалалар ўрин олган. Жумладан:

• Аҳолини ижтимоий ҳимоя қилиш ва камбағалликни қисқартириш;
• Қонун устуворлигини таъминлаш;
• Инсон ҳуқуқини ҳимоя қилиш;
• Гендер тенгликни таъминлаш;
• Илм-фан, технологияни ривожлантириш ва ёшларни қўллаб-қувватлаш каби долзарб масалалар дунё қонун ижодкорларининг диққат марказида бўлади.

Ассамблея сўнгида Парламентлараро иттифоқнинг резолюциялари ва Тошкент декларацияси қабул қилинади.

ЎзА