Asosan keksa yoshli odamlarda kuzatiladigan ushbu kasallik aqliy qobiliyat va xotiraning susayishi bilan namoyon boʻladi.

Bunga miya qon tomirlari aterosklerozi, insult, qandli diabet, takroriy bosh miya jarohatlari, spirtli ichimliklar, giyohvandlik, doimiy qon yoʻqotish, depressiya, ortiqcha vazn yoki semizlik kabi omillar sabab boʻlishi mumkin.

Demensiya hozir sayyoramiz boʻyicha yuz berayotgan oʻlim holatlarining eng koʻp uchrovchi yettinchi sababidir. Qolaversa, u keksa yoshdagi odamlarda kelib chiqayotgan nogironlikning asosiy omillaridan biri hisoblanadi.

Tahlillarga koʻra, Alsgeymer kasalligi — demensiyaning eng keng tarqalgan shakli boʻlib, taxminan 60-70 foizni tashkil qiladi.

Shundan kelib chiqqan holda, JSST tomonidan demensiya boʻyicha yettita strategik yoʻnalishni oʻz ichiga olgan Global harakatlar rejasi amalga oshirilmoqda.

Mutaxassislar “bu kasallikning oldini olishga qaratilgan saʼy-harakatlarni kuchaytirish juda muhim” degan xulosada. Chunki ushbu xastalikka chalinganlarning umumiy soni 2030-yilda 82 million, 2050-yilga borib esa 152 million nafarga yetishi prognoz qilinmoqda.

“Yangi Oʻzbekiston” va “Pravda Vostoka” gazetalari tahririyati»