Sanoati rivojlangan mamlakatlarga immigratsiya yangi yuqori darajaga yetdi. Iqtisodiy hamkorlik va taraqqiyot tashkiloti (IHTT) 14 noyabr, payshanba kuni Parijda tegishli tadqiqot natijalariga tayanib xabar berishicha, 2023 yilda IHTTning 38 davlatiga doimiy yashash uchun kirib kelgan kishilar soni 6,5 millionni tashkil qildi. Immigratsiyaning maksimal darajasi ketma-ket ikkinchi yil qayd etildi.

IHTTda uzoq muddatli immigratsiya ko‘lami bo‘yicha yetakchi AQSh bo‘lib qolmoqda, bu yerga 2023 yilda 1,2 million kishi doimiy yashash uchun kelib kelgan (2006 yildan beri eng yuqori ko‘rsatkich). Biroq, immigrantlarning taxminan 43 foizi IHTT mamlakatlariga ularda qolish huquqiga ega bo‘lganlarning oila a’zolari sifatida kirdilar.

Boshpana so‘rovchilar soni ortdi

IHTT mamlakatlarida boshpana so‘rovchilar soni ham 2023 yilda yangi yuqori darajaga yetib, 2,7 million kishini tashkil qildi, bu o‘tgan yilga nisbatan 30 foizga ko‘p. Tashkilot ma’lumotlariga ko‘ra, 676 ming kishi boshpana olgan, bu 2022 yilga nisbatan 15 foizga ko‘p. Uning ma’lumotlariga ko‘ra, Qo‘shma Shtatlarda birinchi marta boshpana so‘rab murojaat qilganlar IHTTga a’zo Yevropa barcha mamlakatlarni jamlagandan ko‘ra ko‘proq bo‘ldi. Venesuela, Kolumbiya va Suriya fuqarolari boshpana so‘rab eng ko‘p ariza topshirgan.

Germaniya 2023 yilda deyarli 670 ming muhojirni qabul qildi, bu bir yil avvalgidan chorakka ko‘proq. Ularning aksariyati Ukraina, Ruminiya va Polshadan kelgan. O‘sha yili Germaniyadan 329 mingga yaqin kishi boshpana so‘ragan, bu bir yil avvalgiga nisbatan 51 foizga ko‘p. Germaniyadan boshpana so‘raganlarning aksariyati Suriya, Turkiya va Afg‘oniston fuqarolaridir.

O‘tgan yili Germaniyada jami 15,2 million chet elda tug‘ilganlar yashagan, bu aholining qariyb 18 foizini tashkil qiladi. Ulardan 669 ming kishi, asosan, Ukraina, Ruminiya va Polshadan 2022 yilda kelgan. Eng katta guruh — Germaniyadagi barcha muhojirlarning 10 foizi — polyaklardir. Ikkinchi va uchinchi o‘rinlarda Turkiya (9 foiz) va Rossiyadan (7 foiz) kelgan muhojirlar.

Kun.uz