Husiylar va Isroil o'rtasidagi keskinlashuv so'nggi haftalarda yangi darajaga ko'tarildi. Husiylar deyarli har kuni Isroilga raketa va uchuvchisiz uchish qurilmalarini yubora boshladi va Isroilning Yamanga amalga oshiriladigan har qanday bombardimoniga mutanosib javob berish bilan tahdid qilishdi. Shu bilan birga, payshanba kuni Isroil JSST rahbari Tedros Adxanom Gebreyesus bo'lgan Yamandagi Sana aeroportiga havo hujumi uyushtirdi. Uning so'zlariga ko'ra, zarba u BMT delegatsiyasi bilan birga bo'lgan samolyotdan bir necha metr uzoqlikdagi binoga zarar yetkazgan, ekipajning bir a'zosi jarohatlangan.

“Bosh kotib Yaman va Isroil o'rtasidagi keskinlashuvni qoraladi. Bugun Isroil havo kuchlarining Sana xalqaro aeroporti, Qizil dengiz bandargohlari va Yamandagi elektr stansiyalariga uyushtirgan zarbalari ayniqsa xavotir uyg'otadi”, dedi Guterrish idorasi.

Guterrish, ular ta'kidlaganidek, mintaqadagi vaziyat yanada avj olish xavfidan xavotirda va barcha harbiy harakatlarni to'xtatish va maksimal darajada vazminlikni saqlashga chaqirmoqda.

“Shuningdek, u millionlab odamlar hayot uchun muhim bo'lgan yordamga muhtoj bir paytda Qizil dengiz bandargohlari va Sana aeroportiga havo hujumlari gumanitar operatsiyalar uchun jiddiy xavf tug'dirishidan ogohlantirmoqda”, deyiladi xabarda.

BMT Bosh kotibi, shuningdek, tinch aholi va infratuzilmani himoya qilishga chaqirdi va gumanitar xodimlar nishonga aylanmasligi kerakligini ta'kidladi, deb xabar beradi ria.ru.

“Yangi Oʻzbekiston” va “Pravda Vostoka” gazetalari tahririyati»