Amerikaning CNN telekanali yuzlab xodimlarini qisqartirish va o‘z yo‘nalishini raqamli makonga yo‘naltirish tadorigini ko‘rmoqda. Bu haqdagi bayonotni CNBC telekanali tarqatdi.

– CNN yuzlab xodimlarni ishdan bo‘shatishni rejalashtirmoqda, chunki kompaniya o‘z biznesini global raqamli auditoriyaga yo‘naltiradi, – deyilgan xabarda.

Ayni payt butun dunyo bo‘ylab kompaniya tuzilmalarida 3,5 mingga yaqin xodim ishlaydi. Qisqartirish ishlab chiqarish xarajatini kamaytirish, guruhlarni birlashtirish imkonini beradi. Binobarin, ayni qaror mashhur shaxslarga daxldor emas.

Ta’kidlanishicha, moliyaviy manbalarni iqtisod qilish maqsadida, bundan buyon ba’zi teleshoular Nyu-York va Vashingtonda emas, balki AQSH janubidagi Atlantada tasvirga olinadi.

Ushbu axborot ortidan NBC telekanali ham xodimlarni qisqartirishi haqida mish-mish tarqaldi. Faqat ishdan bo‘shatiladiganlar soni 50 kishidan oshmasligi qo‘shimcha qilingan.

O‘zA