Ўзбекча
English
Русский
INSEAD ва Portulans Institute томонидан эълон қилинадиган "Global Talent Competitiveness Index" (GTCI) жаҳон талант рақобатбардошлиги рейтингида Ўзбекистон учун муҳим бурилиш кузатилди: мамлакат илк бор Марказий ва Жанубий Осиё минтақасида 1-ўринни, глобал рейтингда эса 71-ўринни эгаллади. Бу кўрсаткич мамлакатнинг талантларни тайёрлаш, жалб этиш ва рағбатлантириш борасидаги салоҳияти ортиб бораётганини англатади. Минтақада кейинги ўринларда Қозоғистон (72-ўрин) ва Қирғизистон (87-ўрин) қайд этилган. "GTCI 2025"да мамлакатлар даромад гуруҳлари бўйича ҳам таққосланган. Ушбу бўлимда Ўзбекистон “қуйи ўрта даромадли мамлакатлар” орасида биринчи ўринга чиқди. Бу Ўзбекистоннинг иқтисодий тоифасида кадрлар салоҳияти бўйича энг илғорлар қаторига кирганини кўрсатади. Ўзбекистоннинг "GTCI 2025" рейтингидаги натижаси мамлакатнинг кадрлар салоҳиятига берилган глобал баҳо. Минтақада етакчиликни қўлга киритиш ва даромад тоифасида биринчи ўринга чиқиш Ўзбекистоннинг барқарор ислоҳотлари, инновацион сиёсати ҳамда ёшлар салоҳиятига берилаётган катта эътибор натижаси. Бу кўрсаткичлар келажакда Ўзбекистонни рақобатбардош иқтисодиёт, инновацион ҳудуд сифатида мустаҳкамлайди. Дилдора ДЎСМАТОВА, ЎзА
INSEAD va Portulans Institute tomonidan e’lon qilinadigan "Global Talent Competitiveness Index" (GTCI) jahon talant raqobatbardoshligi reytingida O‘zbekiston uchun muhim burilish kuzatildi: mamlakat ilk bor Markaziy va Janubiy Osiyo mintaqasida 1-o‘rinni, global reytingda esa 71-o‘rinni egalladi.
Bu ko‘rsatkich mamlakatning talantlarni tayyorlash, jalb etish va rag‘batlantirish borasidagi salohiyati ortib borayotganini anglatadi.
Mintaqada keyingi o‘rinlarda Qozog‘iston (72-o‘rin) va Qirg‘iziston (87-o‘rin) qayd etilgan.
"GTCI 2025"da mamlakatlar daromad guruhlari bo‘yicha ham taqqoslangan. Ushbu bo‘limda O‘zbekiston “quyi o‘rta daromadli mamlakatlar” orasida birinchi o‘ringa chiqdi.
Bu O‘zbekistonning iqtisodiy toifasida kadrlar salohiyati bo‘yicha eng ilg‘orlar qatoriga kirganini ko‘rsatadi.
O‘zbekistonning "GTCI 2025" reytingidagi natijasi mamlakatning kadrlar salohiyatiga berilgan global baho. Mintaqada yetakchilikni qo‘lga kiritish va daromad toifasida birinchi o‘ringa chiqish O‘zbekistonning barqaror islohotlari, innovatsion siyosati hamda yoshlar salohiyatiga berilayotgan katta e’tibor natijasi.
Bu ko‘rsatkichlar kelajakda O‘zbekistonni raqobatbardosh iqtisodiyot, innovatsion hudud sifatida mustahkamlaydi.
Dildora DO‘SMATOVA, O‘zA
