Yevropa Ittifoqi va Yevropa Kengashi har qanday sharoitda o‘lim jazosi qo‘llanishiga qarshi ekani ta’kidlangan bayonot qabul qilindi. Hujjatda ushbu jazoni saqlab qolayotgan davlatlar qatlga zudlik bilan moratoriy joriy etishi kerakligi ta’kidlangan.
10-oktabr kuni nishonlangan Yevropa va Jahon o‘lim jazosiga qarshi kurash kuni arafasida e’lon qilingan bayonotda 2025-yil 17 mamlakatda qatl amalga oshirilgani qayd etilgan. Bu raqam 2024-yilga nisbatan 78 foiz ko‘p.
Qatl amaliyoti ko‘proq Eronda qo‘llangan. Misr, Kuvayt, Saudiya Arabistoni, Singapur va Yamanda ham sezilarli o‘sish qayd etilgan. Oliy jazo hukmi Qo‘shma Shtatlarda ham ijro etilyapti.
Xitoy bo‘yicha ma’lumot maxfiylik tufayli jahon statistikasiga kiritilmagan. Garchi ushbu davlatda minglab qatl amalga oshirilgan, deya taxmin qilinsa-da…
S.Rahimov, O‘zA