1-3-noyabr kunlari Xitoy Xalq Respublikasi poytaxtida 21-Pekin forumi bo‘lib o‘tdi. Bu galgi an’anaviy xalqaro anjuman “Sivilizatsiyalar uyg‘unligi va barcha uchun farovonlik: innovatsiyalar va inson taraqqiyoti davri” mavzusiga bag‘ishlandi.

Ochilish marosimida Butunxitoy xalq vakillari kengashi Doimiy qo‘mitasi raisi o‘rinbosari Jeng Jianbang, Italiya sobiq Bosh vaziri Romano Prodi, Pokistonning sobiq Bosh vaziri Shahid Hoqon Abbosiy, akademik Gong Kixuang, Nobel mukofoti sovrindori, Pekin universiteti prezidenti, professor Jerar Albert Muru so‘zga chiqdi.

Yalpi va 13 ta sho‘ba yig‘ilishlarida barqaror rivojlanish va atrof-muhit gigiyenasi; Xitoyning global iqtisodiy transformatsiyasi va innovatsion rivojlanishi; sun’iy intellekt davrida raqamlashtirish; Xitoyning Markaziy Osiyo va Yaqin Sharq bilan hamkorligi; barqaror energetika tizimlarini qurish; Global sivilizatsiya tashabbusi istiqbollari; jahon sog‘liqni saqlash tizimi; innovatsiyalar davrida gender tenglik kabi masalalar muhokama qilindi.

Pekin forumida dunyoning 30 mamlakatidan 500 dan ortiq olim va ekspert, siyosiy doiralar va diplomatik korpus vakillari ishtirok etdi. Forum ishida Inson huquqlari bo‘yicha O‘zbekiston Respublikasi Milliy markazi direktorining birinchi o‘rinbosari M.Tillaboyev ham qatnashdi.

Ma’lumot uchun: Forum 2004-yildan beri Pekin universiteti, Pekin meriyasi va Chey ilg‘or tadqiqotlar instituti tomonidan har yili o‘tkazib kelinadi. Unda insoniyatning umumiy farovonligi yo‘lida sivilizatsiyalar o‘rtasidagi o‘zaro hamkorlikni asrab-avaylash masalalari muhokama qilinadi. O‘tgan 20-yil davomida Pekin forumlarida 80 dan ortiq davlatdan 7 mingdan ziyod taniqli arbob va olimlar ishtirok etgan.

Inson huquqlari bo‘yicha

O‘zbekiston Respublikasi

Milliy markazining

matbuot xizmati